კულტურული, სპორტული ან ახალგაზრდული საკითხები

#20151 საერთო სამუშაო ჰაბი ბათუმში

ბათუმი არის ქალაქი, სადაც ცხოვრობს უამრავი ქართველი, ასევე უცხოელი ფრილანსერი, ადამიანები უფრო და უფრო აქტიურად მუშაობენ დისტანციურად, პანდემიის ფონზე კი საქართველოს მთავრობამ მოიწვია უცხო ქვეყნის მოქალაქეები, რომ იმუშაონ დისტანციურად საქართველოდან. სწორედ ამ გარემოებებიდან გამომდინარე კიდევ უფრო მეტად დგას საჭიროება შეიქმნას ჰაბი, სადაც ახალგაზრდებს, ფრილანსერებს, და ზოგადად ნებისმიერ დაინტერესებულ ადამიანს ექნება შესაძლებლობა გამოიყენოს საერთო სამუშაო სივრცე. Coworking კულტურა უფრო და უფრო მეტად იკიდებს ფეხს, ყველა დიდ თუ პატარა ქალაქში დგება მსგავსი სივრცეების არსებობის საჭიროება. სივრცის მიზანი იქნება: 1. მისცეს შესაძლებლობა ქართველ და უცხოელ ფრილანსერებს ქონდეთ სტაბილური საერთო სამუშაო სივრცე (კონკრეტული საფასურის სანაცვლოდ) 2. მისცემს ახალგაზრდებს, ანტრეპრენერებსა და სტარტაპერებს, ასევე ახალგაზრდულ ორგანიზაციებს შესაძლებლობას გამოიყენონ საერთო სამუშაო სივრცე უსასყიდლოდ, ან სიმბოლურ ფასად, შესაბამისად მოხდება მსგავსი საქმიანობის ზოგადი ხელშეწყობა. 3. სივრცე ხელს შეუწყობს ქალაქის გავითაფრებას, სხვადასხვა ტიპის კულტურული, შემეცნებითი, საგანმანათლებლო ღონისძიებების მასპინძლობას სივრცე იქნება მრავალფუნქციური, იქნება როგორც საერთო სამუშაო სივრცის ოთახები, ასევე საგამოფენო/სატრენინგო დარბაზი და კაფეტერია. მსგავსი სივრცე ძალიან მნიშვნელოვან წვლილს შეიტანს ბათუმში მცხოვრები სხვადასხვა ადამიანის გააქტიურებასა და საინტერესო იდეების განვითარების ხელშეწყობაში.

თეონა დალაქიშვილი
2020-09-01

კეთილმოწყობა

#20164 ჭკვიანი ქალაქი (Smart city); პარკირების ჭკვიანი სისტემა

პარკირების ჭკვიანი სისტემა - აღნიშნული გადაწყვეტა წარმოადგენს თანამედროვე ქალაქების ერთ-ერთ პასუხს პარკირების პრობლემის შესამცირებლად. იგი ამარტივებს და მეტად კომფორტულს ხდის საპარკინგე ადგილების მოძებნას და მათთან უმოკლესი გზით მისვლას. დღესდღეობით ქალაქში სულ უფრო პრობლემური ხდება პარკირება. საპარკინგე ადგილის ძიებაში მძღოლები ხარჯავენ უამრავ დროს და ენერგიას, ხშირად აფერხებენ ქალაქში ისედაც გადატვირთულ მოძრაობას და მოიხმარენ ზედმეტ საწვავს, რითიც დამატებით აბინძურებენ გარემოს. ხშირად მოქალაქეებს ამდენი სიარულის შემდეგაც მანქანის დაყენება სასურველი ადგილიდან შორს უწევთ, ან საერთოდ ვერ ახერხებენ ქუჩაში პარკირებას და ტოვებენ ავტომობილს შეუსაბამო ადგილებში, რაც შემდგომში ფეხით მოსიარულეთა გადაადგილებას აფერხებს.

შოთა გურგენიძე
2020-09-04

სატრანსპორტო ინფრასტრუქტურა

#20186 ბათუმი-ელექტრო მობილების ქალაქი

ალბათ ბევრი თქვენგანი გაეცნო სიახლეს თუ როგორ შეცვლის ელექტრო ავტომანქანები ჩვენს ყოვედღიურობას, გარემოს და ცხოვრების წესს. ეს ტენდეცია ევროპის ქალაქებში ხშირად გვხდება. სახელმწიფოების მხრიდან ხდება მათი ნაწილობრივ სუბსიდირება და ყოვდლთვიური გადასახადების შემცირებაც კი. ვიცი ბევრ ჩემ თანატოლს გასჩენია იგივე სურვილი ჰყოლოდა ელექტრო მაქნანა, თუმცა როგორ შეიძლება ელექტრო მანქანების დატენვა თუ არასაკმარისი რაოდენობის დამტენი არის ქალქაში? სწორედ ამიტომ, ვფიქრობ ელექტრო მობილების დასატენი სივრცის მოწყობა აუცილებელია რათა მსოფლიო ტენდენციებს ავუწყოთ ფეხი, ამასთან, ჩვენ თანამოქალაქეებს შესაძლებლობა მიეცეს რომ ელექტრო გადაადგილების საშუალება გამოიყენონ რაც საერთო ჯამში შეამცირებას გამონაბოლქვს.

შოთა ტიკარაძე
2020-09-05

კულტურული, სპორტული ან ახალგაზრდული საკითხები

#20175 ქუჩის ხელოვნების მოძრაობა ბაფიტი / street art movement BAFFITI

მსოფლიო ხელოვნებაში დიდი ადგილი უჭირავს ქუჩის ხელოვნებას. მოძრაობა "ბაფიტის" როლი კი პატარა საზღვაო ქალაქის ხელოვნების ცენტრად ქცევაში უნიკალური იქნება. უნდა ვაღიაროთ, რომ ბათუმში მრავლადაა უსახური კედლები, რომლებიც ქალაქის იერსახეს ამახინჯებს, არ ერწყმის არქიტექტურულ ანსამბლს; ნეგატიურ გავლენას ახდენს მნახველზე და დამაზიანებელია ქალაქის საიმიჯო იერსახისათვის. გარდა ამისა, ბათუმი განებივრებულია დიდი შესაძლებლოების მქონე ახალგაზრდა ხელოვანებით, რომლებიც უმეტესწილად საკუთარი ინიციატივით და ფინანსური კონტრიბუციით ცდილობენ ქალაქის იერსახეზე იზრუნონ. ვერ ხდება შემოქმედთა პოტენიციალის რეალიზება იმ პირობებში, როცა მათი ნიჭი და ახალგაზრდული ენერგია სწორად შეიძლება იქნეს გამოყენებული საზოგადოერივი საქმისთვის. მათ ხელეწიფებათ არსებული მოცემულობა გამოიყენონ როგორც პლატფორმა, რომელიც გამოხატავს ქალაქის მოსახლეობის მსოფლმხედველობას და სწორ მესიჯებს დატოვებს ვიზიტორებისათვის, რაც ბათუმისთვის, როგორც ტურისტული რეგიონის ცენტრისთვის, სასიცოცხლოდ მნიშვნელოვანი შეიძლება იყოს. იდეის მ ი ზ ნ ე ბ ი : 1. ქალაქის იერსახის გალამაზება; 2. ადგილობრივი ადამიანური (შემოქმედებითი, ინტელექტუალური და ფიზიკური) რესურსების გამოყენება; 3. ქუჩის მხატვრობის პოპულარიზაცია; 4. სამოქალაქო ცნობიერების ამაღლება; 5. მოსახლეობის ჩართვა საკუთარი ქალაქის ცხოვრებაში; 6. ახალგაზრდების მიერ ხელოვნების ამ სპეციფიკურ დარგის აღქმა და მასში უშუალო მონაწილეობა; 7. ვიზიტორებისთვის ერთგვარი აქცია-პერფორმანსის დემონსტრირება (თუ გავითვალისწინებთ იმას, რომ პროექტის განხორციელების პერიოდი აქტიურ ტურისტულ სეზონს ემთხვევა), რაც ბათუმს ტრენდული ქალაქის იმიჯს შეუქმნის; 8. ქალაქის რეკლამირების დამატებითი შესაძლებლობა. 9. ქართველი მხატვრების ერთგვარი გაერთიანების ჩამოყალიბება, რომელიც სხვადასხვა მიმართულებების შერწყმასა და იმპლემენტაციას ჩაუყრის საფუძველს. 10. რეგიონის მასშტაბით მხატვრული იდეების რეალიზება, რომელსაც აღნიშნული ქუჩის ხელოვნების მოძრაობა "BAFFITI" უზრუნველყოფს. 11. მსოფლიოს წამყვანი ქუჩის მხატვრების ინტეგრაცია ქართულ სამხატვრო რეალობასთან და კულტურათა შორის მრავალფეროვნების დაახლოება. ბაფიტი ქალაქის მოძრაობაა, რომელიც რეგიონის მაშტაბით ქუჩის მხატვრობის იდეას რეალობად აქცევს და პროცესში უშუალოდ მოქალაქეები იქნებიან ჩართული.

იოსებ ჯორბენაძე
2020-09-05

კულტურული, სპორტული ან ახალგაზრდული საკითხები

#20170 მობილური კინოთეატრი

პროექტი გაზრდის ახალგაზრდების ინტერესს ქართული კინო-ხელოვნების მიმართ, გააცნობს მათ კინოხელოვნებაში ახალი ტექნოლოგიების გამოყენების ხერხებს და უახლეს ტენდენციებს. პროექტი „მობილური კინოთეატრის"–ის განხორციელების არსი ასევე იმაში მდგომარეობს, რომ სტუდენტების დიდ ნაწილს ხშირად არ აქვთ საშუალება იხილოს ახალი ქართული კინოპროდუქცია, ასევე კინო-ინდუსტრიაში არსებული სიახლეების შესახებ უმეტესობა იღებს ინფორმაციას ტელევიზიიდან ან ინტერნეტიდან სადაც ინფორმაცია არის დიდი რაოდენობით მოცემული და არ არის სტრუქტურირებული. ჩვენი პროექტის განხორციელების შემთხვევაში დაინტერესებულ სტუდენტებს ინფორმაციას მიაწვდიან გამოცდილი სპეციალისტები, რომლებიც კინოჩვენების, შემდეგ მოაწყობენ განხილვას და უპასუხებენ ყველა იმ კითხვას რომელიც მაყურებლებისთვის იქნება საინტერესო. პროექტის ინტერაქტიულობა არის მისი მთავარი პლიუსი. პროექტის არსია გააცნოს ახალგაზრდებს ახალი ქართული კინო და მოახდინოს ქართული კინოხელოვნების პოპულარიზაცია. კინო როგორც ხელოვნება, ძალიან მრავალმხრივია და ციფრული ტექნოლოგიების განვითარებასთან ერთად ის ინტერაქციის საშუალებაც გახდა უკანასკნელი წლების განმავლობაში. გარდა სრულმეტრაჟიანი ფილმებისა, სულ უფრო პოპულარულები ხდება კინოხელოვნების სხვადასხვა მიმართულებები, როგორიცაა სერიალი, დოკუმენტალისტიკა, კინონოველები და მანიფესტები, მოკლემეტრაჟიანი რგოლები, ვიდეოარტები და ა.შ. ბევრი ქვეყანა საკუთარ კინოინდუსტრიას იყენებს როგორც ტურიზმისა და კულტურის ეკონომიკის გამაძლიერებელ ფაქტორს.

სოფიკო თოქმაჯიშვილი
2020-09-05

ნარჩენების მართვა

#20187 დააბრუნე და მიიღე ფული

ჩემი იდეა პლასტმასის ბოთლების გადამამუშავებელი აპარატების შეძენაში და ქალაქში განთავსებაში მდგომარეობს, თითოეულ ჩაბარებულ ბოთლზე მოქალაქე მიიღებს 10 თეთრს. ზემოთ აღნიშნული აპარატების ეფექტურად მუშაობისათვის მათი განთვსება საჭიროა სტრატეგიულ ადგილებში როგორებიცაა : 26 მაისის პარკი, დიდი სავაჭრო ცენტრები როგორებიცაა კარფური, ბათუმი მოლი და ა.შ. საჭიროა ერთად დავეხმაროთ ქალაქს და დავიცვათ დაბინძურებისაგან, რაც ჩვენს დროებაში უკვე კრიტიკულ ზღვარს აღწევს და საჭიროებს ყურადღებას დაუყოვნებლივ.

ალინა გოგიტიძე
2020-09-05