იდეის ნომერი:
20166
სტატუსი:
მიმდინარე
ხმების რაოდენობა:0
ავტორი:
თეონა ლორია
განხორციელების ვადა (დან):
2022-04-01
განხორციელების ვადა (მდე):
2022-05-01
ბიუჯეტი:
96780
- ხარჯთაღრიცხვა
სიკეთის ყულაბა
პროექტის მიზანი:
აღნიშნული პროექტის მიზანია შეჭირვებული ადამიანების დახმარება მეორეული, ვარგის მდგომარეობაში მყოფი ნივთებით.
პროექტის დასაბუთება და აღწერა:
ქალაქის ტერიტორიაზე, გარკვეულ პუნქტებში/ობიექტებზე განთავსდება ყულაბები, რომელიც ხელს შეუწყობს თანაქალაქელებს, შეჭირვებულ ოჯახებს გაუზიარონ კარგ მდგომარეობაში მყოფი გამოყენებული (მეორეული) ნივთები, მაგალითად: წიგნები, ტანსაცმელი, სათამაშოები, საყოფაცხოვრებო ნივთები და სხვა. მოქალაქეთა უმრავლესობა ფლობს უამრავ ისეთ ნივთს, რომელსაც აღარ საჭიროებს, თუმცა ამ ნივთების მოწყვლადი ჯგუფებისათვის საჭიროებისამებრ გადანაწილება საკმაო რესურსს მოითხოვს, რასაც მოქალაქეები დროისა თუ სხვა, ობიექტურ მიზეზთა გამო თავს არიდებენ. წინამდებარე იდეის არსი სწორედ აღნიშნულში მდგომარეობს, ამ პროექტის განხორციელებით, მოქალაქეებს ექნებათ ინფორმაცია ყულაბების არსებობის შესახებ და მათი გამოყენებით მარტივად და ზედმეტი რესურსის დახარჯვის გარეშე მიაწვდიან საჭირო ნივთებს მათ, ვისაც ეს განსაკუთრებით ესაჭიროებათ. ყულაბების ადგილმდებარეობა მონიშნული იქნება გუგლის მიერ შექმნილ რუკის ვებ-აპლიკაციაზე, რათა ნებისმიერი ადამიანისთვის დაინტერესების შემთხვევაში ხელმისაწვდომი იყოს ყულაბის მისამართები.
მსგავსი პროექტები ხელმისაწვდომია ბევრ ქვეყანაში და წარმატებით ხორციელდება, ერთ -ერთი საუკეთესო მაგალითია თურქეთის რესპუბლიკა.
იმისთვის, რომ პროექტის განხორციელების შემთხვევაში არ მოხდეს ნივთების არამიზნობრივად გამოყენება, ყულაბები იქნება დაცული (ჩაკეტილ მდგომარეობაში) და მისი გახსნა მოხდება მხოლოდ პასუხისმგებელი პირის მიერ, რომელიც დაინიშნება მერიის ან სხვა უფლებამოსილი ორგანოს მიერ. პროექტის ორგანიზებას უზრუნველყოფს მოხალისეთა ჯგუფი. ყულაბაში განთავსებული ნივთები პერიოდულად (წინასწარ დადგენილი გრაფიკის შესაბამისად) საჭიროების მიხედვით გადანაწილდება მითითებული ჯგუფის მიერ. მათ მიერვე შეიქმნება შესაბამისი პლატფორმა (სოციალურ ქსელში), რომლის საშუალებითად მოხდება მოწყვლადი ჯგუფების ინფორმირება, გამოვლენა, შეგროვებული ნივთების დახარისხება და ბენეფიციარებისათვის გადაცემა.
ნიმუშის ზომები /ყულაბის მახასიათებლები:,
»მოძრავი ყულაბა: 1 კოდირებული კარით, 6 მზის ენერგიაზე მომუშავე სანათით, 3 ერთეული განყოფილებით, თითოეულ განყოფილებას ექნება კონკრეტული/ფუნქციური დანიშნულება.
»ყულაბის ზომები: 360x180x210 სმ.
მოსალოდნელი შედეგი:
პანდემის ფონზე დამძიმებული სოციალური მდგომარეობის გათვალიწინებით, ჩვენ გარშემო მრავლადაა შეჭირვებული ადამიანები, რომელთაც ესაჭიროებათ დახმარება. პროექტის განხორციელება დროის მოკლე პერიოდში უზრუნველყოფს აღნიშნული ჯგუფების პირველადი საჭიროებებით უზრუნველყოფას, ხოლო გრძელვადიან პერსპექტივაში იქონიებს გავლენას სოციალური კულტურის ჩამოყალიბებაზე, საბოლოო ჯამში კი, ქალაქს ეყოლება ემპათიური სამოქალაქო საზოგადოება.
შეცდომა
ტესქსტი ტექსტი შეცდომა შეცდომააა
რეგისტრაციის წესები
- მომხმარებლის მიერ ქალაქ ბათუმის მუნიციპალიტეტის ონლაინ პლატფორმის (შემდგომში - პლატფორმა) (idea.batumi.ge) გამოყენების, იდეის წარდგენის წესი და იდეის წარდგენის პირობები.
- სისტემის გამოყენების უფლების მისაღებად მომხმარებელი ვალდებულია დაეთანხმოს ქალაქ ბათუმის მუნიციპალიტეტის ონლაინ პლატფორმის გამოყენების, იდეის წარდგენის წესისა და იდეის წარდგენის პირობების შესახებ შეთანხმებას და უზრუნველყოს მათი დაცვა.
- წესების და პირობების გაცნობის შემდგომ მომხმარებელი თანხმობის ნიშნად აწკაპებს ღილაკს „გავეცანი და ვეთანხმები“.
- სისტემაში არჩეული ‘‘მომხმარებლის სახელი’’ და ‘‘პაროლი’’, არ ექვემდებარება მესამე პირებისათვის გადაცემას, ამასთან მომხმარებელი სრულად არის პასუხისმგებელი მის მიერ რეგისტრაციისას დაფიქსირებული ‘‘მომხმარებლის სახელის’ და ‘‘პაროლის’’ გამოყენებაზე, ყველა იმ ოპერაციაზე, რომელიც განხორციელდა მისი მომხმარებლის სახელითა და პაროლით და კონფიდენციალობის დაცვაზე.
- მომხმარებელს უფლება აქვს, ნებისმიერ დროს, შეცვალოს ან განაახლოს თავისი პროფილი.
- მომხმარებელი თანახმაა რეგისტრაციის დროს მითითებულ ტელეფონის ნომერზე მოკლეტექსტური შეტყობინების სახით მიიღოს პლატფორმასთან დაკავშირებული ინფორმაცია.
- ქალაქ ბათუმის მუნიციპალიტეტი იხსნის პასუხისმგებლობას მომხმარებლის მიერ პაროლის დაკარგვის ან მესამე პირზე გადაცემის შემთხვევაში დამდგარ შედეგებზე.
- მომხმარებლის მიერ სისტემაში განთავსებული ინფორმაცია, მათ შორის პერსონალური მონაცემები, ხელმისაწვდომი იქნება, ქალაქ ბათუმის მუნიციპალიტეტის, შესაბამისი სტრუქტურული ერთეულისა ან/და ტერიტორიული ორგანოს ან/და ქალაქ ბათუმის მუნიციპალიტეტის მიერ დაფუძნებული იურიდიული პირის საამისოდ უფლებამოსილი თანაშრომლებისათვის.
- წინამდებარე პირობებზე დათანხმება წარმოადგენს იდეის წარმდგენის ნების დასტურს, იდეის დამუშავების (კერძოდ, პირადი მონაცემების და სხვა ინფორმაციის გადამოწმების) მიზნით, სსიპ სახელმწიფო სერვისების განვითარების სააგენტოს მონაცემთა ელექტრონული ბაზიდან საჭირო მოცულობით შესაბამის ინფორმაციის მიღებაზე.
- ქალაქ ბათუმის მუნიციპალიტეტი არ გასცემს პირად ინფორმაციას მესამე პირებზე, გარდა კანონით გათვალისწინებული შემთხვევებისა.
- იდეა წარდგენილი უნდა იყოს სახელმწიფო ენაზე.
- ქალაქ ბათუმის მუნიციპალიტეტი პასუხს არ აგებს იმ უზუსტობებისათვის, რაც გამოწვეულია მომხმარებლის მიერ ელექტრონული განაცხადის შევსებისას დაშვებული შეცდომით და უზუსტობით.
- მომხმარებელი ვალდებულებას იღებს:
ა) დაუყოვნებლივ აცნობოს ქალაქ ბათუმის მუნიციპალიტეტს მომხმარებლის პაროლისა და ანგარიშის ნებისმიერი არასანქცირებული გამოყენების და უსაფრთხოების ნორმების ნებისმიერი სხვა სახის დარღვევის შესახებ;
ბ) უზრუნველყოს, სისტემიდან გამოსვლა ყოველი წვდომის შემდეგ. - ქალაქ ბათუმის მუნიციპალიტეტი პასუხს არ აგებს იმ არასასურველი შედეგებისათვის, რაც შეიძლება გამოიწვიოს მომხმარებლის მიერ სისტემაში საკონტაქტო მონაცემების შეცვლის არ ასახვამ.
- მომხმარებლის მიერ, ონლაინ პლატფორმის განზრახ დაზიანების, საიტის ნორმალური ფუნქციონირების შეზღუდვის ან შეზღუდვის მცდელობის შემთხვევაში პასუხისმგებლობა განისაზღვრება მოქმედი კანონმდებლობის შესაბამისად.
- ქალაქ ბათუმის მუნიციპალიტეტი უზრუნველყოფს ონლაინ პლატფორმის (idea.batumi.ge) უსაფრთხოებას, ინფორმაციის დაკარგვის, არასწორი გამოყენების და შეცვლისგან მისი დაცვის ვალდებულებას.
- მომხმარებელი აღიარებს რა ინტერნეტის გლობალურ ხასიათს და მომხმარებელი ვალდებულებას იღებს, დაიცვას საქართველოდან ან საქართველოში ან მომხმარებლის ადგილსამყოფელი ქვეყნიდან ან ქვეყანაში ტექნიკური ინფორმაციის გადაცემა-მიღებასთან დაკავშირებული ყველა ნორმა.
- ონლაინ პლატფორმის გამოყენების პირობები რეგულირდება საქართველოს კანონმდებლობით. მხარეები ცალსახად აღიარებენ, რომ პირობების გამო ან მათთან დაკავშირებით წარმოშობილი ნებისმიერი დავა გადაწყდება მოქმედი კანონმდებლობის შესაბამისად.
- სისტემაში არსებულ ყველა ინფორმაციასა და დოკუმენტაციაზე დაცულია საავტორო უფლებები.
კომენტარები