იდეის ნომერი:
20173
სტატუსი:
მიმდინარე
ხმების რაოდენობა:203
ავტორი:
ირმა კომახიძე
განხორციელების ვადა (დან):
2020-09-30
განხორციელების ვადა (მდე):
2022-10-30
ბიუჯეტი:
411500
- ხარჯთაღრიცხვა
- დამატებით ფაილები
ქვიშის სათამაშო მოედანი
პროექტის მიზანი:
იდეის ავტორები: ქეთევან გოგიტიძე.
ირმა კომახიძე
1. ბავშვთა სენსორული სფეროს განვითარება;
2. ფიზიკური ჯანმრთელობის ხელშეწყობა;
3. მოტორული სფეროს განვითარება;
4. ფუნქციონალური უნარების გაუმჯობესება;
5. შემეცნებითი უნარების განვითარება;
6. სოციალური უნარების განვითარება;
7. პიროვნული უნარების განვითარება;
8. ემოციური მდგომარეობის გაუმჯობესება;
9. ქცევის მოწესრიგება;
პროექტის დასაბუთება და აღწერა:
თანამედროვე სამყარო ძალიან დიდი სისწრაფით იცვლება. თუ ბავშვები ადრე უამრავ დროს ატარებდნენ ეზოში და სათამაშო მოედნებზე. ეხლა ეს პერიოდი მნიშვნელოვნად შემცირებულია. გაიზარდა ტექნოლოგიების როლი, როგორც უფროსების, ისე მოზარდების ცხოვრებაში. ფაქტია, რომ ასეთი ცვლილება ხელოვნურად არ მომხდარა. გარემო პირობების, მოთხოვნების, ღირებულებების ცვლილებასთან ერთად შეიცვალა თითოეული ჩვენგანის რეჟიმი. ამასთან, კითხვაზე თუ რას უკავშირდება თქვენი ბავშვობის ყველაზე ტკბილი მოგონება, უმრავლესობის პასუხი დაკავშირებული იქნება ეზოში, ბუნებაში რაიმე ტიპის აქტივობასთან. თანამედროვე სამყაროში ბავშვებს გადატვირთული რეჟიმი აქვთ, თავისუფალი დროის უმეტეს ნაწილს ატარებენ ტექნიკასთან და ძალიან მცირე დროს ეზოში. ძალიან ბევრ ბაღში, სადაც ბავშვი ძირითად დროს ეზოში თამაშში და ახალი სამყაროს აღმოჩენაში უნდა ატარებდეს, იქაც არ არის ბავშვისთვის მორგებული გარემო და სათამაშო მოედანი. საბავშვო ბაღებსა და გარე სკვერებში საბავშვო გასართობი მოედნები ძირითადად საქანელებით და სასრიალოებით შემოიფარგლება.
უნდა გვახსოვდეს, რომ ბავშვებისთვის ქვიშაში თამაში არ არის მხოლოდ გართობის საშუალება, არამედ მას უდიდესი როლი აქვს მისი ფიზიკური თუ ფსიქოლოგიური განვითარების თვალსაზრისით. მოზარდი სწავლობს თამაშის, კეთების, ექსპერიმენტების, სამყაროს კვლევისა და აღმოჩენების საშუალებით. ასევე ქვიშის თამაში სხვადასხვა დიაგნოზის მქონე ბავშვების საქმიანობის ბუნებრივი და ხელმისაწვდომი ფორმაა. ბავშვი ხშირად ვერ გამოხატავს თავის გრძნობებს, -შიშს, სევდას, სიხარულს თუ სხვადასხვა ემოციებს სიტყვებით. ამაში მას ეხმარება ქვიშაზე თამაში. სათამაშო ფიგურების დახმარებით სიტუაციების გადათამაშება, ქვიშისგან საკუთარი სამყაროს სურათის შექმნა. ბავშვი დაძაბულობისგან თავისუფლდება და რაც მთავარია, ის ფასდაუდებელ გამოცდილებას იძენს ცხოვრების მრავალი სიტუციის სიმბოლურ გადაწყვეტილებაში.
პროექტის შინაარსობრივ მხარეს თან ერთვის ვიზუალური და გეგმარებითი ნაწილი, რომელიც თანხვედრაშია იდეის შინაარსთან. ფორმით ქვიშის მოედანი შეიძლება იყოს სხვდასხვა ფორმის და მოცულობის, მაგრამ ჩვენ შემთხვევაში მრგვალი და სპირალური ფორმისაა, რომელიც შეიძლება სხვადასხვა ნაკვეთის ფორმას მოერგოს სიტუაციური გეგმიდან გამომდინარე.
ვფიქრობთ, რომ ქვიშის სათამაშო მოედანი განთავსდება საჯარო ბაღის ეზოში და საჯარო სივრცეში. მოედნების კომპოზიცია არის ცენტრისკენული და დინამიური. ელემენტების რიტმული განმეორებით ცენტრის მიმართ. კონსტრუქცია ვერტიკალური მიმართულებებით, - ნაცრისფერ კონსტრუქციაზე დამაგრებული ფერადი საჩრდილობლებით.
გეგმაში მოედანი ორი სივრცისგან შედგება. ერთი, თავად ქვიშის მოედანი განკუთვნილი ბავშვების სათამაშოდ და მეორე სივრცე განკუთვნილი მშობელთა ან აღმზრდელთა მოსაცდელად.
მოედანი შემოსაზღვრული იქნება ღობითა და ბორდიურით ბავშვების უსაფრთხოების მიზნით, შესასვლელი კარები მოეწყობა პანდუსით.
შემოსაზღვრული მოედანი დაფარული იქნება ქვიშით, შიგნით განთავსდება ქვიშაზე სათამაშო სხვადასხვა ინვენტარი: ეს იქნება ქვიშის ასაწონი სასწორები, ქვიშის საცერი, ქვიშაზე დასადები სათამაშო მაგიდები, სკამები, სათამაშო წისქვილი, წონასწორობის ბილიკი, სათამაშო სამზარეულოები, აიწონა-დაიწონა, ადაპტირებული მაგიდები ეტლით მოსარგებლე ბავშვებისთვის თუ სხვა.
ყოველივე ზემოთ აღნიშნულიდან გამომდინარე ჩვენ მოგაწოდეთ იდეა- კონცეპცია, რომელსაც თან ერთვის ესკიზური პროექტი, ასევე ესკიზური ვიზუალიზაცია, რომელიც მეორე ეტაპზე გადასვლის შემთხვევაში დამუშავდება და დაიხვეწება.
მოსალოდნელი შედეგი:
ქვიშაში ყოველდღიურად დროის გატარება ხელს უწყობს ბავშვების განვითარებას.
1. სენსორული სფეროს განვითარება:
ქვიშაში თამაში დადებითად ზემოქმედებს ბავშვის ტვინის განვითარებაზე, მეტად ღიას ხდის ახალი შეგრძნებების, გამოცდილების მიღებისადმი. შედეგად, აღარ აშინებს უცხო სიტუაციებში, გაბედულად ხვდება სხვადასხვა ტიპის გამოწვევებს, მინდობით იკვლევს და შეიმეცნებს სამყაროს.
2. მოტორული სფეროს განვითარება:
ქვიშაში თამაში მოზარდებს საშუალებას აძლევს განავითარონ ნატიფი მოტორული უნარები, შეძლონ ხელის კოორდინირებული მოქმედება. შედეგად, იცავენ ცხოვრების ჯანსაღ წესს, უკეთესად გამოსდით წერა, მაკრატლით გამოჭრა, ღილების და თასმების შეკვრა, გაფერადება, ხატვა, ძერწვა და ა.შ.
3. ფიზიკური ჯანმრთელობის ხელშეწყობა:
ქვიშაში ყოველდღიური თამაში მნიშვნელოვანია სისხლძარღვოვანი, იმუნური სისტემის განვითარებისთვის, D ვიტამინის მიღებისთვის, აძლიერებს იმუნიტეტს, აუმჯობესებს თავის ტვინში მიმდინარე პროცესებს.
4. ფუნქციური უნარ-ჩვევების განვითარება;
ბავშვები სწავლობენ საკუთარი სხეულის მართვას, ფრთხილად მოქმედებას, საკუთარი თავის დაცვას, თვით დახმარებას და სხვათა დახმარებას.
5. შემეცნებითი უნარების განვითარება;
ბავშვები სწავლობენ უამრავ რამეს, რის მიღწევაც სახლის პირობებში სრულყოფილად ვერ მოხერხდება: რა შეგრძნებაა ქვიშასთან შეხება? როგორ არის შესაძლებელი ტოტის ქვიშაზე დაყენება და გაჩერება? როგორი სურნელი აქვს ტალახს და რა შეგრძნებაა მასთან შეხება? როგორ მოძრაობს ჩრდილი მზის მოძრაობის პარალელურად და ა. შ. ბავშვები ქმნიან თამაშის გეგმას, აგებენ კოშკებს და ქმნიან პერსონაჟებს, ანაწილებენ როლებს, ცდილობენ საკუთარი გამოცდილების გადმოცემას. შედეგად ვითარდება წარმოსახვითი უნარი, ფანტაზია, მეტყველება, აზროვნება, აღქმა, მეხსიერება, ყურადღება.
6. სოციალური უნარების განვითარება:
ბავშვების ერთად თამაში ქმნის უნიკალურ შესაძლებლობას, დაეუფლონ სოციალურად მისაღებ წესებს, შეძლონ მეგობრების შეძენა, საკუთარი აზრის დაფიქსირება, პოზიციის დაცვა, სხვისი გათვალისწინება, სხვებთან თანამშრომლობა და ა.შ. წარმოსახვითი თამაშის განმავლობაში მორგებული როლების დახმარებით კი ისინი აცნობიერებენ, რომ არსებობენ. სხვადასხვა პერსონაჟთა ურთიერთობებით აცნობიერებენ, რომ არსებობენ სხვადასხვა შეხედულების ადამიანები და სწავლობენ მათი პოზიციიდან ხედვას, ხდებიან მეტად ტოლერანტულები.
7. ემოციური მდგომარეობის გაუმჯობესება:
უკეთესად იცნობენ და სჯერათ საკუთარი თავის, ახერხებენ ენერგიის პოზიტიურ გამოთავისუფლებას და შემდგომ კვლავ შევსებას. თავს გრძნობენ მოტივირებულად და ბედნიერად.
8. და ბოლოს საღად მოაზროვნე, პროგრესირებული და ბედნიერი აზოგადოების მიღება.
პროექტის იდეის ავტორი: ქეთევან გოგიტიძე
ირმა კომახიძე
კომენტარები
შეცდომა
ტესქსტი ტექსტი შეცდომა შეცდომააა
რეგისტრაციის წესები
- მომხმარებლის მიერ ქალაქ ბათუმის მუნიციპალიტეტის ონლაინ პლატფორმის (შემდგომში - პლატფორმა) (idea.batumi.ge) გამოყენების, იდეის წარდგენის წესი და იდეის წარდგენის პირობები.
- სისტემის გამოყენების უფლების მისაღებად მომხმარებელი ვალდებულია დაეთანხმოს ქალაქ ბათუმის მუნიციპალიტეტის ონლაინ პლატფორმის გამოყენების, იდეის წარდგენის წესისა და იდეის წარდგენის პირობების შესახებ შეთანხმებას და უზრუნველყოს მათი დაცვა.
- წესების და პირობების გაცნობის შემდგომ მომხმარებელი თანხმობის ნიშნად აწკაპებს ღილაკს „გავეცანი და ვეთანხმები“.
- სისტემაში არჩეული ‘‘მომხმარებლის სახელი’’ და ‘‘პაროლი’’, არ ექვემდებარება მესამე პირებისათვის გადაცემას, ამასთან მომხმარებელი სრულად არის პასუხისმგებელი მის მიერ რეგისტრაციისას დაფიქსირებული ‘‘მომხმარებლის სახელის’ და ‘‘პაროლის’’ გამოყენებაზე, ყველა იმ ოპერაციაზე, რომელიც განხორციელდა მისი მომხმარებლის სახელითა და პაროლით და კონფიდენციალობის დაცვაზე.
- მომხმარებელს უფლება აქვს, ნებისმიერ დროს, შეცვალოს ან განაახლოს თავისი პროფილი.
- მომხმარებელი თანახმაა რეგისტრაციის დროს მითითებულ ტელეფონის ნომერზე მოკლეტექსტური შეტყობინების სახით მიიღოს პლატფორმასთან დაკავშირებული ინფორმაცია.
- ქალაქ ბათუმის მუნიციპალიტეტი იხსნის პასუხისმგებლობას მომხმარებლის მიერ პაროლის დაკარგვის ან მესამე პირზე გადაცემის შემთხვევაში დამდგარ შედეგებზე.
- მომხმარებლის მიერ სისტემაში განთავსებული ინფორმაცია, მათ შორის პერსონალური მონაცემები, ხელმისაწვდომი იქნება, ქალაქ ბათუმის მუნიციპალიტეტის, შესაბამისი სტრუქტურული ერთეულისა ან/და ტერიტორიული ორგანოს ან/და ქალაქ ბათუმის მუნიციპალიტეტის მიერ დაფუძნებული იურიდიული პირის საამისოდ უფლებამოსილი თანაშრომლებისათვის.
- წინამდებარე პირობებზე დათანხმება წარმოადგენს იდეის წარმდგენის ნების დასტურს, იდეის დამუშავების (კერძოდ, პირადი მონაცემების და სხვა ინფორმაციის გადამოწმების) მიზნით, სსიპ სახელმწიფო სერვისების განვითარების სააგენტოს მონაცემთა ელექტრონული ბაზიდან საჭირო მოცულობით შესაბამის ინფორმაციის მიღებაზე.
- ქალაქ ბათუმის მუნიციპალიტეტი არ გასცემს პირად ინფორმაციას მესამე პირებზე, გარდა კანონით გათვალისწინებული შემთხვევებისა.
- იდეა წარდგენილი უნდა იყოს სახელმწიფო ენაზე.
- ქალაქ ბათუმის მუნიციპალიტეტი პასუხს არ აგებს იმ უზუსტობებისათვის, რაც გამოწვეულია მომხმარებლის მიერ ელექტრონული განაცხადის შევსებისას დაშვებული შეცდომით და უზუსტობით.
- მომხმარებელი ვალდებულებას იღებს:
ა) დაუყოვნებლივ აცნობოს ქალაქ ბათუმის მუნიციპალიტეტს მომხმარებლის პაროლისა და ანგარიშის ნებისმიერი არასანქცირებული გამოყენების და უსაფრთხოების ნორმების ნებისმიერი სხვა სახის დარღვევის შესახებ;
ბ) უზრუნველყოს, სისტემიდან გამოსვლა ყოველი წვდომის შემდეგ. - ქალაქ ბათუმის მუნიციპალიტეტი პასუხს არ აგებს იმ არასასურველი შედეგებისათვის, რაც შეიძლება გამოიწვიოს მომხმარებლის მიერ სისტემაში საკონტაქტო მონაცემების შეცვლის არ ასახვამ.
- მომხმარებლის მიერ, ონლაინ პლატფორმის განზრახ დაზიანების, საიტის ნორმალური ფუნქციონირების შეზღუდვის ან შეზღუდვის მცდელობის შემთხვევაში პასუხისმგებლობა განისაზღვრება მოქმედი კანონმდებლობის შესაბამისად.
- ქალაქ ბათუმის მუნიციპალიტეტი უზრუნველყოფს ონლაინ პლატფორმის (idea.batumi.ge) უსაფრთხოებას, ინფორმაციის დაკარგვის, არასწორი გამოყენების და შეცვლისგან მისი დაცვის ვალდებულებას.
- მომხმარებელი აღიარებს რა ინტერნეტის გლობალურ ხასიათს და მომხმარებელი ვალდებულებას იღებს, დაიცვას საქართველოდან ან საქართველოში ან მომხმარებლის ადგილსამყოფელი ქვეყნიდან ან ქვეყანაში ტექნიკური ინფორმაციის გადაცემა-მიღებასთან დაკავშირებული ყველა ნორმა.
- ონლაინ პლატფორმის გამოყენების პირობები რეგულირდება საქართველოს კანონმდებლობით. მხარეები ცალსახად აღიარებენ, რომ პირობების გამო ან მათთან დაკავშირებით წარმოშობილი ნებისმიერი დავა გადაწყდება მოქმედი კანონმდებლობის შესაბამისად.
- სისტემაში არსებულ ყველა ინფორმაციასა და დოკუმენტაციაზე დაცულია საავტორო უფლებები.
კარგიი იდეაა აუცილებელია ასეთი სივცეების მოწყობა ბავშვებისთვის მივესალმები. წარმატებები ამ იდეას.
ეს ის პროექტია რომელიც აუცილებლად სჭირდება თანამედროვე ბავშვს! წარმატებები!