იდეის ნომერი: 20178
სტატუსი: დაწუნებული
ხმების რაოდენობა:0
ავტორი: თამარ მიქელაძე
განხორციელების ვადა (დან): 2021-05-01
განხორციელების ვადა (მდე): 2020-09-30
ბიუჯეტი: 32000
ხარჯთაღრიცხვა

დასახელება

რაოდ.

ერთ. ფასი

ბილეთები

5

1200

სასტუმრო

25

300

დღიური ხარჯი

30

150

პრიზი (2კაციანი საგზური ბათუმში)

1

5000

დღიური ანაზღაურება

30

300

იმოგზაურე ბათუმში

პროექტის მიზანი:
იდეის მიზანია მოახდინოს ბათუმის პოპულარიზაცია ევროპულ ქვეყნებში მინიმალური დანახარჯით ინფლუენსმარკეტინგის საშუალებით.
პროექტის დასაბუთება და აღწერა:
ახალი ტიპის კორონავირუსის გავრცელების შემდეგ ერთ-ერთი ყველაზე დიდი დარტყმა ტურიზმის სექტორმა მიიღო, ყველა იმ სფეროს ჩათვლით, რომელიც ერთიანობაში ამ ინდუსტრიას ქმნის.ბოლო პერიოდში განვითარებული მოვლენები პირდაპირ აისახა ქვეყნების შემოსავლებზე, რამაც საბოლოო ჯამში, პირდაპირ თუ ირიბად დიდ დანაკარგებთან მიგვიყვანა. საქართველოში მიმდინარე წლის მარტო მარტი-აპრილში სასტუმროებზე მოთხოვნა გასული წლის ანალოგიურ პერიოდთან შედარებით დაახლოებით 60%-ით არის შემცირებული, რაც ამ უკანასკნელებს საკმაოდ მძიმე ვითარებაში აყენებს. რთულ ვითარებაში აღმოჩნდნენ საკვები ობიექტებიც. არსებულმა მძიმე მოცემულობამ მნიშვნელოვნად იმოქმედა მცირე და საშუალო საწარმოებზე, რომლებიც ტურიზმის სექტორის 80%-ზე მეტს შეადგენენ; პრობლემა შეეხო მოწყვლად ჯგუფებს, რომლებიც დამოკიდებულები არიან უცხოელ ვიზიტორებზე, და საკუთარ რეგიონში ქმნიან განვითარებად და ინკლუზიურ ეკონომიკას; მნიშვნელოვანი ზარალი განიცადეს ტურ ოპერატორებმა, სასტუმროებმა, რესტორნებმა და კაფე-ბარებმა, სატრანსპორტო და საექსკურსიო კომპანიებმა, ასევე სხვადასხვა სახის მომსახურების ცენტრებმა და სავაჭრო ობიექტებმა. ასევე დიდი პრობლემაა ის, რომ ადამიანებს მოუწევთ საკმაოდ მძიმე მენტალური ბარიერების გადალახვა, რომ კვლავ წავიდნენ სამოგზაუროდ და ძირითადად აირჩევენ იმ ქვეყნებს,სადაც ვირუსის გავრცელება დაბალია. სწორედ ამიტომ, ის, რომ ახალი კორონავირუსის გავრცელების კუთხით საქართველო დაბალი რისკის მქონე ქვეყნებს შორის არის მას ერთ-ერთ ყველაზე უსაფრთხო ტურისტული მიმართულებად აქცევს, ეს იმიჯი, ვირუსის ჩაცხრომასთან ერთად, დაეხმარება კერძო სექტორს და ხელს შეუწყობს პოტენციურ ტურისტებს, რომ საზღვარგარეთ მოგზაურობისას არჩევანი საქართველოზე გააკეთონ, თუმცა საჭიროა ხელი შეეწყოს ქვეყნის, როგორც ტურისტული მიმართულების გაპიარებას. იდეა მდგომარეობს იმაში, რომ რამოდენიმე ქვეყნიდან (ამ შემთხვევაში 5 ქვეყნიდან, რადგან საზღვარი მხოლოდ 5 ქვეყანასთან გვაქვს გახსნილი, თუმცა იდეის განხორციელების დრომდე შეიძლება სიტუაცია შეიცვალოს) მოხდეს მოგზაური ინფლუენსერების (ე.წ. travel influencer) მოწვევა (თითო საშუალოდ 50000-150000 გამომწერით) რომლებიც გაატარებენ ბათუმში 4-5 დღეს, მოინახულებენ ყველა იმ ადგილს, რომელიც შეიძლება საინტერესო იყოს ტურისტისთვის და შესაბამის ინფორმაციას გაავრცელებენ საკუთარი სოციალური ქსელის გვერდების საშუალებით. აღსანიშნავია, რომ მოგზაური ინფლუენსერების გამომწერები არიან ისინი, ვისაც უყვართ მოგზაურობა და ეძებენ ახალ ადგილებს სამოგზაუროდ.ეს ნიშნავს იმას, რომ მინიმალური დანახარჯით 5 სხვადასხვა ქვეყანაში დაახლოებით 300000-500000 მოგზაურობით დაინტერესებული ადამიანი 5 დღეში მიიღებს ინფორმაციას ბათუმის ტურისტული პოტენციალის შესახებ. ასევე, დამატებით შესაძლებელია ადგილობრივი ინფლუენსერის მოწვევა, რომელიც გიდობას გაუწევს მათ და ასევე გაავრცელებს ფოტო ვიდეო მასალებს მისი გამომწერებისთვისაც. -გარდა იმისა, რომ ინფლუენსერები გააზიარებენ შთაბეჭდილებებს საკუთარ გვერდებზე, პარალელურად შეიქმნება გვერდი (Instagram, facebook), რომელზეც უფრო დეტალურად იქნება აღწერილი ბათუმის ღირსშესანიშნაობები და ფოტო-ვიდეო მასალა. ამ გვერდის პოპულარიზაციისთვის შესაძლებელია დაწესდეს პრიზი (მაგალითად 2კაციანი საგზური ბათუმში), რომელსაც გაათამაშებენ იგივე ინფლუენსერები, მაგრამ მონაწილეობის უფლება ექნებათ მხოლოდ იმ ადამიანებს, ვინც გამოიწერს ამ გვერდს. შესაბამისად პროექტის დასრულების შემდეგაც აღნიშნულ გვერდს დარჩება მოგზაურობით დაინტერესებული უამრავი გამომწერი და შემდეგ უკვე ის დამოუკიდებლად განვითარდება და მუდმივ რეჟიმში მოხდება ბათუმის პოპულარიზაცია ამ გვერდის საშუალებით. დღევანდელ ტექნოლოგიურ ერაში, სადაც სოციალური ქსელებით ხდება ინფორმაციის შექმნა, გავრცელება და მართვა, მნიშვნელოვანი გახდა ინფლუენსინგი და ინფლუენსერების, ანუ გავლენიანი, ცნობადი ადამიანების რეკომენდაციებისა და შთაბეჭდილებების გაზიარება. თუ ადრე გავლენა ძირითადად ტელევიზიაში, პრესაში და რადიოში ნაწილდებოდა, ახლა ახალი მედია და სოციალური ქსელები ქმნიან საინფორმაციო ამინდს. მათ ჰყავთ საკმაოდ დიდი აუდიტორია, მეგობრები/მიმდევრები და შეუძლიათ ბრენდისთვის/პროდუქტისთვის მნიშვნელოვანი შედეგის მოტანა, რეიტინგული გამოცემა ,,ფორბსი“ სტატიაში გამოკითხვის შედეგებს გვაჩვენებს, ინტერნეტ მომხმარებლების 47 % ბლოკავს ინტერნეტ რეკლამას, რაც რეკლამის ნაკლებეფექტურობასა და დანახარჯების გაძვირებას იწვევს. მომხმარებლებს არ მოსწონთ, როდესაც მას აჩვენებენ რეკლამას, სწორედ ამიტომ გახდა მნიშვნელოვანი ინფლუენსინგი, სადაც მუშაობს ,,მესამე პირის ეფექტი"– როდესაც ერთი შეხედვით დაუინტერესებელი მხარე რეკომენდაციას უწევს პროდუქტს ან მომსახურებას. ინფლუენსერ მარკეტინგის დადებითი მხარე ისაა, რომ აუდიტორია აღიქვამს კონტენტს არა როგორც რეკლამას, არამედ როგორც პერსონალურ გამოცდილებას, რომელიც უფრო აინტერესებს მომხმარებლებს, ვიდრე ტრადიციული რეკლამის საშუალებით გამოქვეყნებული შეთავაზებები. ინფლუენსმარკეტინგის ერთერთი ძლიერი მხარეა ის, რომ ინფორმაცია ძალიან სწრაფად ვრცელდება, რადგან ინტერნეტში იდეის გავრცელება და მასზე რეაგირება სწრაფად ხდება. კომუნიკაციისა და პიარის სპეციალისტების 73% მსოფლიოს მასშტაბით ირჩევს ბრენდების პოპულარიზაციისთვის ინფლუენსერების გამოყენებას. 2018 წელს მსოფლიოს მასშტაბით 200 მილიონამდე აშშ დოლარი ჩაიდო ინფლუენსერ მარკეტინგში.
მოსალოდნელი შედეგი:
მინიმალური დანახარჯით 5 სხვადასხვა ქვეყანაში დაახლოებით 300000-500000 მოგზაურობით დაინტერესებული ადამიანი 5 დღეში მიიღებს ინფორმაციას ბათუმის ტურისტული პოტენციალის შესახებ. პროექტის ფარგლებში შეიქმნება გვერდი, რომელიც დასრულების შემდეგაც მოახდენს ბათუმის პოპულარიზაციას მოგზაურობით დაინტერესებულ პირებში.
განმარტება:
პროექტი არ შეესაბამება დადგენილ მოთხოვნებს.

კომენტარები

  1. 2020-09-05 18:05:10 თამარ მიქელაძე

    ბიუჯეტი ზუსტი არ არის. შეიძლება შეიცვალოს ბილეთის საშუალო ფასი. რაც შეხება სასტუმროს, რადგან რეკლამირება უნდა მოხდეს საუკეთესო კუთხით, სასტუმრო უნდა იყოს 5 ვარსკვლავიანი, შესაბამისად, საშუალო ფასი მერყეობს 100$-120$ (თუმცა შესაძლებელია ინფლუენსერებმა გააპიარონ აპარტამენტებიც, და გააგებინონ მომხმარებელს რომ დაბალ ფასადაც არის შესაძლებელი დასვენება ბათუმში). ბიუჯეტი: ფრენები და სასტუმრო გათვლილია 5 ადამიანზე 5 დღით; (ბიუჯეტში სასტუმროზე მითითებულია 25 (5X5)). ყოველდღიური ხარჯები და ყოველდღიური ანაზღაურება 6 ადამიანზე 5 დღით (ემატება ადგილობრივი ინფლუენსერი). (ბიუჯეტში რაოდენობაში მითითებულია 30 (6X5)). თუმცა გააჩნია შეთანხმებას, შესაძლებელია მოხდეს მოლაპარაკება მათთან და ყოველდღიური ანაზღაურება საერთოდ არ გახდეს საჭირო და ეს თანხა ამოვარდეს.

© 2019 ქალაქ ბათუმის მუნიციპალიტეტის მერია - მუნიციპალური სერვისების სააგენტო