წარმოდგენილი კინოპროექტის ამოცანაა, რომ აჭარაში შეიქმნას სრულმეტრაჟიანი კინოფილმი,რომელშიც დასაქმდებიან მხოლოდ ადგილობრივი ხელოვანები,იქნება ეს მსახიობი,რეჟისორი,სცენარისტი,ოპერატორი თუ გრიმის სპეციალისტი. პროექტის მიზანია ადგილობრივი კინო-ინდუსტრიის განვითარების ხელშეწყობა,დამწყები თუ გამოცდილი ხელოვანების დასაქმებით და ღირებული კინოპროდუქტის შექმნით,რომელიც თემატურად და ვიზუალურად იქნება ფოკუსირებული ბათუმზე და მის ავთენტურ ყოფა-ცხოვრებაზე.

ბათუმი ჯერ კიდევ მე-20 საუკუნის 20-იანი წლებიდან იქცევდა რეჟისორების ყურადღებას და ამ პერიოდიდან მოყოლებული, არაერთხელ ქცეულა ქართული თუ უცხოური ფილმების გადასაღებ მოედნად. ბათუმის, როგორც კინოგადაღების ადგილის გამოყენების ტენდენცია ამჟამადაც აქტუალურია,თუმცა,აჭარაში კინო ინდუსტრია მნიშვნელოვნად მაინც ვერ ვითარდება,რაც საკმაოდ დიდ პრობელამს ქმნის ადგილობრივი ხელოვანთათვის.აჭარაში არსებობს „ხელოვნების სასწავლო უნივერსიტეტი“,რომელიც ყოველწლიურად უშვებს ათობით კვალიფიცირებულ კურს დამთავრებულ რეჟისორს,მსახიობს და ა.შ. მაგრამ მათ არ აქვთ თავიანთი ჩანაფიქრის განხორციელების საშუალება ამავდროულად ისინის ვერ იღებენ სათანადო გამოცდილებას კინოპროექტზე მუშაობისა,რაც ხელოვანების პროფესიულ განვითარებას ხელს უშლის. „ილია“ წარმოადგენს სრულფასოვან კინოპროექტს რომელიც დაფინანსების მოპოვების ეტაპზეა .პირველი ეტაპი რაც გულისხმობს სცენირის დაწერას,განხორციელებულია მასზე ახალგაზრდა ბათუმელმა დრამატურგმა გუგა მგელაძემ იმუშავა.მეორე ეტაპია ფინანსების მოპოვება.დაფინანსების შემთხვევაში,მოხდება ქასთინგის ჩატარება,შეიკრება შემოქმედებითი ჯგუფი,რომელიც მოცემული კინოპროექტის რეალიზებას უზრუნველყოფა.

ფილმის კონცეფცია მისაზიდია საერთაშორისო კინოფესტივალებისათვის და იძლევა საშუალებას, ფილმი გავრცელდეს უცხოურ ბაზარზე. პროექტის წარმატებით განხორციელება ხელს შეუწყობს: • ფილმის გადაღებებში მონაწილე ხელოვანთა პროფესიულ განვითარებას; • პროექტში ჩართულ პირებს შორის სამომავლო თანამშრომლობის პერსპექტივას და ერთობლივი პროექტების განხორციელებას; • რეგიონში კინოხელოვნების განვითარებას, ადგილობრივი კულტურული სექტორის გაძლიერებას; • ბათუმის გადაქცევას კინოგადაღებებისათვის მიმზიდველ ლოკაციად.