მერიის კომპეტენციას მიკუთვნებული სხვა საკითხები

#20037 უფასო ინტერნეტი ცენტრალურ პარკში

პროექტის მიზანია ქალაქ ბათუმის ცენტრალური პარკის ვიზიტორებისათვის დამატებითი მომსახურების შეთავაზება - უფასო Wi-Fi ინტერნეტ კავშირის უზრუნველყოფა პარკის ტერიტორიაზე. Wi-Fi ინტერნეტ კავშირის სერვისი ხელს შეუწყობს ტურისტებისა და დამსვენებლების მოზიდვას, ასევე ე.წ HotSpot ტექნოლოგიის გამოყენებით შესაძლებელი იქნება პარკში და მის მიმდებარე ტერიტორიაზე არსებული ღირსშესანიშნაობების, ღონისძიებების, კაფეებისა თუ რესტორნებისთვის დამატებითი მომხმარებლების მოზიდვის შესაძლებლობა. მოცემული პროექტის ფარგლებში გამოყენებულ იქნება AdWave მარკეტინგული პროგრამული უზრუნველყოფა, რომელიც წარმოდგენს ე.წ Hotspot ტექნოლოგიას და იძლევა საშუალებას განახორციელო მიზანმიმართული მარკეტინგული კამპანიები Wi-Fi უსადენო კავშირის სისტემების გამოყენებით. პლატფორმა AdWave წარმოადგენს ეფექტურ WIFI მარკეტინგის ინსტრუმენტს, რომელიც გთავაზობთ თქვენს მომხმარებელთან ურთიერთობის დამყარების და უკუკავშირის მიღების ახალ გზას.

ვლადიმერ კუვშინოვი
2019-06-07

შშმ პირთა ინკლუზია და მათთვის გარემოს ადაპტაცია

#20035 ტროტუართა ადაპტირება - პანდუსი

პროექტის მიზანია ტროტუარების ადაპტირება და მათზე პანდუსების გამართვა. ეს გაკეთდება შშმ პირთა ინკლუზიისათვის და მათთვის გარემოს ადაპტაციისთვის, მოხუცებისთვის და ასევე ყველა ჩვენთაგანისთვისაც. ქ.ბათუმის ტერიტორიაზე, შ.ინასარიძის, შ.ხიმშიაშვილისა თუ სხვა ქუჩებზე გხვდება არა ადაპტირებული ტროტუარები სადაც შშმ პირები თუ დედები საბავშვო ეტლით თავისუფლად ვერ მოძრაობს და ქუჩაში გადაადგილდებიან, რაც ქმნის ავარიულ მდგომარეობას. ასევე ზოგ ადგილებში გვხვდება არასტანდარტულად მოწყობილი პანდუსები და მოითხოვს მის შეკეთებას. მაგალითად ჟ.შარტავას ქუჩაზე "გმირთა ხეივანი"-ს შესასვლელების პანდუსის პირები დასაწევია ნულოვან ზღვარამდე.

გია რიონიძე
2019-06-06

ნარჩენების მართვა

#20036 ჩიტების ფერადი სახლები

ჩიტების სახლის არსებობა საკმაოდ პოპულარულია მსოფლიოს უმეტეს ქვეყანაში. მაგალითად: კაბადოკია, ბოდრუმი, ეგვიპტე, საფრანგეთი და ევროპის ქვეყნები. ვენაში, კერძოდ კი შონბრუნის პარკში ჩიტების სახლი ტურისტებში დიდი პოპულარობითა და ინტერესით გამოირჩევა. მისი არსებობა დადებითად მოქმედებს როგორც ჩიტების სხვადასხვა ჯიშის განვითარებასა და სიცოცხლისუნარიანობაზე, ასევე ხელს უწყობს ქალაქში სისუფთავის დაცვას. ბათუმში წელიწადის ნებისმიერი დროს, განურჩევლად ასაკისა თითოეული მოქალაქის ერთ-ერთი საყვარელი ადგილი დასვენებისა თუ მეგობრებთან შეხვედრისთვის არის სკვერები, პარკი და ბათუმის ბულვარი. სადაც უამრავი ადამიანი იკრიბება. ბულვარში, სკვერებსა თუ პარკში მყოფი ადამიანების დიდი ნაწილი სხვადასხვა საკვებით იქნება ეს მზესუმზირა, ბატიბუტი თუ ე.წ. ჩხირები ცდილობს მტრედებისა და ჩიტების გამოკვებას. რაც გარემოს დაბინძურებას იწვევს.

ნაზი მახათაძე
2019-06-06