ნარჩენების მართვა

#20036 ჩიტების ფერადი სახლები

ჩიტების სახლის არსებობა საკმაოდ პოპულარულია მსოფლიოს უმეტეს ქვეყანაში. მაგალითად: კაბადოკია, ბოდრუმი, ეგვიპტე, საფრანგეთი და ევროპის ქვეყნები. ვენაში, კერძოდ კი შონბრუნის პარკში ჩიტების სახლი ტურისტებში დიდი პოპულარობითა და ინტერესით გამოირჩევა. მისი არსებობა დადებითად მოქმედებს როგორც ჩიტების სხვადასხვა ჯიშის განვითარებასა და სიცოცხლისუნარიანობაზე, ასევე ხელს უწყობს ქალაქში სისუფთავის დაცვას. ბათუმში წელიწადის ნებისმიერი დროს, განურჩევლად ასაკისა თითოეული მოქალაქის ერთ-ერთი საყვარელი ადგილი დასვენებისა თუ მეგობრებთან შეხვედრისთვის არის სკვერები, პარკი და ბათუმის ბულვარი. სადაც უამრავი ადამიანი იკრიბება. ბულვარში, სკვერებსა თუ პარკში მყოფი ადამიანების დიდი ნაწილი სხვადასხვა საკვებით იქნება ეს მზესუმზირა, ბატიბუტი თუ ე.წ. ჩხირები ცდილობს მტრედებისა და ჩიტების გამოკვებას. რაც გარემოს დაბინძურებას იწვევს.

ნაზი მახათაძე
2019-06-06

მერიის კომპეტენციას მიკუთვნებული სხვა საკითხები

#20037 უფასო ინტერნეტი ცენტრალურ პარკში

პროექტის მიზანია ქალაქ ბათუმის ცენტრალური პარკის ვიზიტორებისათვის დამატებითი მომსახურების შეთავაზება - უფასო Wi-Fi ინტერნეტ კავშირის უზრუნველყოფა პარკის ტერიტორიაზე. Wi-Fi ინტერნეტ კავშირის სერვისი ხელს შეუწყობს ტურისტებისა და დამსვენებლების მოზიდვას, ასევე ე.წ HotSpot ტექნოლოგიის გამოყენებით შესაძლებელი იქნება პარკში და მის მიმდებარე ტერიტორიაზე არსებული ღირსშესანიშნაობების, ღონისძიებების, კაფეებისა თუ რესტორნებისთვის დამატებითი მომხმარებლების მოზიდვის შესაძლებლობა. მოცემული პროექტის ფარგლებში გამოყენებულ იქნება AdWave მარკეტინგული პროგრამული უზრუნველყოფა, რომელიც წარმოდგენს ე.წ Hotspot ტექნოლოგიას და იძლევა საშუალებას განახორციელო მიზანმიმართული მარკეტინგული კამპანიები Wi-Fi უსადენო კავშირის სისტემების გამოყენებით. პლატფორმა AdWave წარმოადგენს ეფექტურ WIFI მარკეტინგის ინსტრუმენტს, რომელიც გთავაზობთ თქვენს მომხმარებელთან ურთიერთობის დამყარების და უკუკავშირის მიღების ახალ გზას.

ვლადიმერ კუვშინოვი
2019-06-07

კულტურული, სპორტული ან ახალგაზრდული საკითხები

#20052 „საბიბლიოთეკო სივრცე ბათუმის ბულვარში"

პროექტი „საბიბლიოთეკოს სივრცე ბათუმის ბულვარში“ გულისხმობს თანამედროვე ტიპის ბიბლიოთეკას ქალაქის ბულვარის ტერიტორიაზე, რომელიც აღჭურვილი იქნება როგორც ქართულენოვანი, ასევე უცხოენოვანი, საზოგადოებაში პოპულარული ლიტერატურით, თავისუფალი wi-fi სერვისით ვიზიტორებისათვის და მყუდრო, კომფორტული გარემოთი. ქალაქ ბათუმის მზარდი ტურისტული პოტენციალის გათვალისწინებით, პროექტი მიზნად ისახავს თანამედროვე ინტელექტუალური განტვირთვის სივრცის შეთავაზებას ვიზიტორებისათვის.გახლავართ პოეტი, შესაბამისად ჩემი ლიტერატურის და ბიბლიოთეკის მიმართ დამოკიდებულება განსაკუთრებულია და ვფიქრობ შევძლებ თანამედროვე სალიტერატურო სივრცის შეთავაზებას ქალაქ ბათუმის არამხოლოდ სტუმრებისათვის, არამედ ადგილობრივი საზოგადოებისათვის.

მაყვალა დავლაძე
2019-06-10

გამწვანება

#20032 მწვანე ტურიზმი (1 ტურისტი = 1 ხე)

1.აუთვისებელი ტერიტორიების მიზნობრივი დატვირთვა ; 2.რეგიონში ტურისტის მოგზაურობის სიმბოლიზირება - რეგიონში ყოფნის პერიოდში თითოეული ტურისტი რგავს თითო ხეს სიმბოლურად , რის გამოც იზრდება ალბათობა იმისა რომ ის რეგიონში ისევ დაბრუნდება, რათა ნახოს მის მიერ დარგული ხის მდგომარეობა; 3.ტურისტს სამახსოვროდ მიაქვს სერთიფიკატი სუვენირის სახით. 4.ბუნებრივი გარემოს აღდგენა; 5.სუფთა ჰაერი; 6.გამწვანების ზოლის გაზრდა; 7.გამწვანების ერთიან პრობლემაში ტურისტების ჩართვით მათი მოტივირება; 8.ეკოლოგიური ტურიზმის განვითარება; 9.რეგიონში ტურიზმის განვითარების ხელშეწყობა ; 10.ახალი ტურისტული პროდუქტის შექმნა.

მარიამ მიქელაძე
2019-06-03

კულტურული, სპორტული ან ახალგაზრდული საკითხები

#20064 ბათუმის ფრანების ფესტივალი

KiteDreams -ის ახორციელებს საქართველოში სპორტული და სამოყვარულო ფრანოსნობის განვითარებას და Batumi Kite Festival-ის მიზანია აღნიშნულ ფესტივალს მიეცეს ყოველწლიური, ტრადიციული ხასიათი. ბათუმში არსებული ღონისძიებებისგან განსხვავებული, საჯარო, საბავშვო, საოჯახო და ტურისტული ატრაქციის შექმნა, სპორტული და სამოყვარულო ფრანოსნობის განვითარების და პოპულარიზაციის საშუალებით, რომელიც ხელს შეუწყობს თემის განვითარებას. • 2 დღიანი ფრანების ფესტივალის დაარსება და ყოველ წლიურად გამართვა. • ბათუმის სანაპირო ზოლის გამოცოცხლება და სპორტულად დატვირთვა. • ფესტივალის ფარგლებში, დაინტერესებული პირებისთვის მარსტერკლასების ჩატარება (სამოყვარულო ფრანების გაშვების სწავლება და ხელნაკეთი ფრანების აწყობა) • პროფესიონალი ფრანოსნების მიერ სპორტული ფრანების შოუს გამართვა • სხვა ქვეყნების ფრანოსნობის კლუბებთან დაკავშირება და თანამშრომლობა, გამოცდილების გაზიარების და მომავალში პროფესიონალების მოწვევის მიზნით.

ლაშა კუკულაძე
2019-06-10

სკოლამდელი, არაფორმალური და პროფესიული განათლება

#20062 მწიგნობარი

დღეისათვის მნიშვნელოვანი პრობლემაა საზოგადოების სამოქალაქო აქტივობებში ჩართულობის დაბალი დონე, ახალგაზრდების ნაკლები დაინტერესება მონაწილეობა მიიღონ სხვადასხვა სამოქალაქო და სასკოლო ღონისძიებებში. ეს ყოველივე გამოწვეულია საზოგადოების სამოქალაქო ცნობიერების სიმცირით, ჩვენს სამოქალაქო ცენტრში მოსწავლეებისთვისდა არა მარტო მათვის ხელმისაწვდომი იქნება სამოქალაქო ლიტერატურა და ყველას შეეძლებათ ჩაერთონ სამოქალაქო აქტივობაში. რადგან სწორი ინფორმაციის მიწოდება სწორედაც, რომ განსაზღვრავს მომავალში მაღალი დონის სამოქალაქო საზოგადოებას. გარდა ამისა ხელმისაწვდომი იქნება დამატებითი მოსამზადებელი კურსები. ეს კი ხელს შეუწყობს მათთვის სკოლაში მიღებული ცოდნის გაღრმავებას და დაეხმარებათ ეროვნული სასწავლო გეგმის მიზნების შესაბამისად მაქსიმალური საბაზო ცოდნის მიღებაში.

მანანა წულუკიძე
2019-06-10