go down

მიმდინარე იდეები:

კეთილმოწყობა

კეთილმოწყობა

#20066 ტრენინგ სივრცე ბათუმში

პროექტის მიზანია ქალაქ ბათუმში შეიქმნას საგანმანათლებლო სივრცე, სადაც მონაწილეებს - სტარტაპებსა და მცირე ბიზნესის მეწარმეებს ექნებათ სხვადასხვა სასწავლო, შემოქმედებითი ღონისძიებაში მონაწილეობის მიღების შესაძლებლობა, როგორიცაა - საგანმანათლებლო კურსი, ტრენინგი, ლექცია, სემინარი, მასტერკლასი, შეხვედრა წარმატებულ ადამიანებთან. საგანმანათლებლო სივრცის არსებობა ქალაქში ხელს შეუწყობს სხვადასხვა ბიზნეს სფეროში მოღვაწე პროფესიონალების, სტარტაპებისა და მცირე ბიზნესის მეწარმეების განათლების დონის გაზრდას, თანამედროვე მიმართულებების შესწავლასა და ერთმანეთთან კომუნიკაციას, რაც არანაკლებ მნიშვნელოვანია სტარტაპ ბიზნესის კეთების პროცესში. შეხვედრები, სწავლების ინტერაქტიული მეთოდიებით მიღებული ცოდნა და პრაქტიკული უნარ-ჩვევები, მსმენელებს დაეხმარება მიიღონ მოტივაცია თვითრეალიზაციის მაქსიმუმის მისაღწევად, რაც შეუწყობს პიროვნულ და პროფესიული განვითარებას, მათი ბიზნესის წარმატებას, რაც საბოლოოდ აისახება როგორც ჩვენი ქალაქის ასევე ქვეყნის კეთილდღეობაზე.

idea.batumi.ge ნანო მგელაძე
idea.batumi.ge 2019-10-15
კულტურული, სპორტული ან ახალგაზრდული საკითხები

კულტურული, სპორტული ან ახალგაზრდული საკითხები

#20082 კინომობილი 2020

პროექტი გაზრდის ახალგაზრდების ინტერესს ქართული კინო-ხელოვნების მიმართ, გააცნობს მათ კინოხელოვნებაში ახალი ტექნოლოგიების გამოყენების ხერხებს და უახლეს ტენდენციებს. პროექტი „კინომობილი 2020“–ის განხორციელების არსი ასევე იმაში მდგომარეობს, რომ სტუდენტების დიდ ნაწილს ხშირად არ აქვთ საშუალება იხილოს ახალი ქართული კინოპროდუქცია, ასევე კინო-ინდუსტრიაში არსებული სიახლეების შესახებ უმეტესობა იღებს ინფორმაციას ტელევიზიიდან ან ინტერნეტიდან სადაც ინფორმაცია არის დიდი რაოდენობით მოცემული და არ არის სტრუქტურირებული. ჩვენი პროექტის განხორციელების შემთხვევაში დაინტერესებულ სტუდენტებს ინფორმაციას მიაწვდიან გამოცდილი სპეციალისტები, რომლებიც კინოჩვენების, შემდეგ მოაწყობენ განხილვას და უპასუხებენ ყველა იმ კითხვას რომელიც მაყურებლებისთვის იქნება საინტერესო. პროექტის ინტერაქტიულობა არის მისი მთავარი პლიუსი. პროექტის არსია გააცნოს ახალგაზრდებს ახალი ქართული კინო და მოახდინოს ქართული კინოხელოვნების პოპულარიზაცია. კინო როგორც ხელოვნება, ძალიან მრავალმხრივია და ციფრული ტექნოლოგიების განვითარებასთან ერთად ის ინტერაქციის საშუალებაც გახდა უკანასკნელი წლების განმავლობაში. გარდა სრულმეტრაჟიანი ფილმებისა, სულ უფრო პოპულარულები ხდება კინოხელოვნების სხვადასხვა მიმართულებები, როგორიცაა სერიალი, დოკუმენტალისტიკა, კინონოველები და მანიფესტები, მოკლემეტრაჟიანი რგოლები, ვიდეოარტები და ა.შ. ბევრი ქვეყანა საკუთარ კინოინდუსტრიას იყენებს როგორც ტურიზმისა და კულტურის ეკონომიკის გამაძლიერებელ ფაქტორს.

idea.batumi.ge სოფიკო თოქმაჯიშვილი
idea.batumi.ge 2019-10-30
კულტურული, სპორტული ან ახალგაზრდული საკითხები

კულტურული, სპორტული ან ახალგაზრდული საკითხები

#20074 გარეუბნების მოხატვა (გახალისება)

პროექტის მიზანია ქალაქ ბათუმის სხვადასხვა უბანში მოძველებული კედლების მოხატვა, რომლითაც ჩვენ პოპულარიზაციას გავუწევთ უპირველესად ქუჩის მხატვრობას, სპორტს, ჯანსაღი ცხოვრების წესს და რაც მთავარია გარემოს დაცვას. აქედან გამომდინარე პროექტი ასევე ატარებს საგანმანათლებლო ფუნქციას და იქნება მოტივატორი მათთვის, ვინც ჩვენი ნამუშევრის იდეას გაიზიარებს. ჩვენ ასევე გვინდა, რომ უფერული კედლები "გავახალისოთ" და გავალამაზოთ. გაფერმკრთალებული კედლების გამოცოცხლებით გამვლელებიც დაინტერესდებიან და სიამოვნებით შეავლებენ თვალს. აღნიშნული ნახატები ტურისტების ყურადღებასაც მიიქცევენ, რითაც ხელი შეეწყობა გარეუბნების განვითარებას.

idea.batumi.ge ანა ღოღობერიძე
idea.batumi.ge 2019-10-29
კულტურული, სპორტული ან ახალგაზრდული საკითხები

კულტურული, სპორტული ან ახალგაზრდული საკითხები

#20084 ბათუმის კულტურული რუკა

პროექტის მიზანია ბათუმის შესახებ ერთიანი საინფორმაციო რესურსის შექმნა, რომელიც გააერთიანებს კულტურულ - საგანმანათლებლო დაწესებულებებს, ტურისტულად საინტერესო ლოკაციებს, მათთან დაკავშირებულ ისტორიებს... გადმოცემული იქნება ბათუმის კულტურული და ურბანული განვითარების ადრინდელი, ახალი, ცნობილი და უცნობი მოვლენები, პერსონები, ისტორიები, ადგილმინიშნებები,. ბათუმის კულტურული რუქა შედგენილი უნდა იყოს, არამარტო როგორც ტურისტული პროდუქტი - სავიზიტო ბარათი და გზამკვლევი საინტერესო, მიმზიდველი ისტორიებით, არამედ, როგორც საგანმანათლებლო რესურსიც. შესაძლებელია განვიხილოთ რუკაზე ინფორმაცის ატვირთვა სხვადასხვა თანამედროვე ტექნოლოგიებით(მრავალთაგან რომელიმე), რაც უფრო მოსახერხებელს გახდის რესურსთან მომხმარებლების ურთიერთობას.

idea.batumi.ge ირაკლი ღლონტი
idea.batumi.ge 2019-10-30
კულტურული, სპორტული ან ახალგაზრდული საკითხები

კულტურული, სპორტული ან ახალგაზრდული საკითხები

#20078 "ქანდაკება განდაგანა"

როგორც ვიცით, აჭარულ ცეკვა „განდაგანას“ არამატერიალური კულტურული ძეგლის სტატუსი მიენიჭა. სწორედ ამ ფაქტს უკავშირდება ჩემ მიერ წარმოდგენილი პროექტიც. ჩემი მიზანია აღნიშნულ კულტურულ ძეგლ „განდაგანას“ დავუდგათ ქანდაკება ხალხმრავალ ადგილას, ტურისტულ ზონაში, ბულვარის მიმდებარე ტერიტორიაზე, კერძოდ საზაფხულო თეატრთან ახლოს. ასევე, განვიხილავ ერას მოედანსაც, გამომდინარე იქიდან, რომ ერას მოედანზე ყოველწლიურად იმართება სოფლის ტურიზმის ფესტივალი „განდაგანა“. საერთაშორისო დონეზე ცნობილი და სანახაობრივი ცეკვის მოტივზე შექმნილი ძეგლი სრულად ასახავს რეგიონის კულტურულ ღირებულებებსა და იდენტობას და თვალნათლივ წარმოაჩენს აჭარის ფოლკლორულ მრავალფეროვნებას.

idea.batumi.ge ინდირა ბერიძე
idea.batumi.ge 2019-10-30
კულტურული, სპორტული ან ახალგაზრდული საკითხები

კულტურული, სპორტული ან ახალგაზრდული საკითხები

#20079 ქართული ჭიდაობის ნახევრად ღია ტიპის საჭიდაო მოედანი, დარბაზი

ქართული ჭიდაობის საჭიდაო დარბაზი, რომელიც აღმოსავლეთ საქართველოში, კერძოდ ხაშურის მუნიციპალიტეტში, სოფელ ვაყასა და ოსიაურში, კომუნისტების დროს 1986- 87 წლებში აშენდა. შემდეგ 1989 წელს ქარელის მუნიციპალიტეტში, სოფელ ფცაში და, დაბა აგარაში. შემდეგ 2013 წელს ქართუ ფონდის ეგიდით 22 საჭიდაო მოედანი აიგო, სხვადასხვა მუნიციპალიტეტებში და სოფლებში. თითქმის 15 წელია ვიბრძვი, ვითხოვ რომ ბათუმს, ჩეს მიერ შერქმეული სპორტული ტაძარი აუშენდეს, დაიდგას და იყოს ახალგაზერდობის გასაზრდელ, აღსაზრდელი, სასახლე. პროექტის მიზანია რომ.

idea.batumi.ge პაატა ურიადმყოფელი
idea.batumi.ge 2019-10-30
ჯანმრთელობის დაცვა და სოციალური უზრუნველყოფა

ჯანმრთელობის დაცვა და სოციალური უზრუნველყოფა

#20091 შენი უსაფრთხო ნაბიჯი ჩვენს ქალაქში

ჩვენი პროექტი სახელწოდებით "შენი უსაფრთხო ნაბიჯი" ჩვენს ქალაქში, მიზნად ისახავს საზოგადოებრივი ცნობიერების ამაღლებას შრომის უსაფრთხოების სისტემის დანერგვის, მართვისა და მუდმივი ფუნქციონირების მიმართულებით. ჩვენი მიზანია შეიქმნას საკონსულტაციო-სარეკომენდაციო ტრენინგ ცენტრი, რომელიც შემდგარი იქნება კვალიფიციური, სერთიფიცირებული და გამოცდილი გუნდისგან. დაინტერესებულ პირს, როგორც ფიზიკურს ისევე იურიდიულს შეეძლებათ მიიღონ ინფორმაცია "შრომის უსაფრთხოების ნორმების" შესახებ ერთჯერადად.მიზნად ვისახავთ ტურისტულ ობიექტებს, ტურისტულ სააგენტოებს დავეხმაროთ და მივცეთ რეკომენდაციები შრომის უსაფრთხოების სისტემის დანერგვის, მართვის და მუდმივი ფუნქციონირების მიმართულებით.რათა ამაღლდეს ტურისტული მომსახურების ხარისხი. შევუქმნათ უსაფრთხო გარემო, როგორც ადგილობრივ მოსახლეობას , ასევე ჩვენს ქალაქში ჩამოსულ სტუმრებს.

idea.batumi.ge მინდია დანელია
idea.batumi.ge 2019-10-30
კულტურული, სპორტული ან ახალგაზრდული საკითხები

კულტურული, სპორტული ან ახალგაზრდული საკითხები

#20076 ერთად დავამყაროთ რეკორდი და ვაზიაროთ მსოფლიო ქართულ კულტურას

მოცემული პროექტი მიზნად ისახავს საზოგადოებრივი ჩართულობის გაზრდას ქალაქის კულტურულ საქმიანობაში, მოქალაქეთა ერთიანობის ინიცირებას, მსოფლიოს ყურადრების ქვეშ საქართველოს ეროვნული ღირებულებების მოქცევასა და წარმოჩენას. ამ პროექტის საშუალებით, ჩვენ შევძლებთ საქართველოში ჩამოსული ტურისტები ვაზიაროთ სუფრის კულტურას და ვაჩვენოთ მათ, რომ ჩვენ, ქართველები სუფრას ვშლით მათთვის და ვსხდებით ერთ მაგიდასთან მათთან ერთად ვინც იმსახურებს და ითვლება ჩვენ ოჯახის წევრად. ხოლო საქართველო, კერძოდ ჭარა არის ის დიდი ოჯახი სადაც ყველა ქვეყნის მოქალაქეს შეუძლია თავი იგრძნოს როგორც საკუთარ სახლში. რაც უფრო მეტი მეგობარი გვყავს გარეთ მით უფრო ძლიერები ვართ ჩვენ!

idea.batumi.ge გიორგი დოლიძე
idea.batumi.ge 2019-10-29
ნარჩენების მართვა

ნარჩენების მართვა

#20083 ბათუმი ეკოლოგიურად სუფთა ქალაქი

პროექტის მიზანია ბათუმი გახდეს სამაგალითო ქალაქი მთელს საქართველოში ნარჩენების შეგროვების და მისი გადამუშავების მეთოდების განვითარებაში. დღევანდელ სამყაროში ნარჩენების (განსაკუთრებით: პლასმასის, ქაღალდის, შუშისა და ალუმინის) გადაუმუშავებლობა იწვევს და დროთა განმავლობაში გამოიწვევს სავალალო შედეგებს გარემოს დაბინძურების კუთხით, შესაბამისად ნარჩენების დახარისხება და მისი შემდგომი სწორად რეალიზება პრინციპულად მნიშვნელოვანია. დღეს როცა ქალაქში უკვე გვაქვს დახარისხებული ნარჩენების შეგროვის 9 პუნქტი დარწმუნებული ვარ აღნიშნული პროექტის განხორციელება სავსებით შესაძლებელია. ამ პროექტის მიზანი ნარჩენების სწორი მართვის მეთოდების დანერგვის გარდა, ამ გლობალური პრობლემის მიმართ საზოგადოებაში ცნობიერების ამაღლებაცაა. ჩვენი მიზანია ჩვენს მოქალაქეებს ნათლად დავანახოთ, რომ გარემოზე ზრუნვა, ეს თითოეული ჩვენთაგანის პასუხისმგებლობაა და რომ თითოეულ ჩვენგანს შეუძლია წვლილის შეტანა ამ გლობალურ საქმეში. მე გულწრფელად მჯერა რომ ქალაქ ბათუმის მოსახლეობა სწორად დაგეგმილი საინფორმაციო შეხვედრების შემთხვევაში აუცილებლად იგძნოს სოციალურ პასუხისმგებლოს ამ საკითხთან დაკავშირებით და დაიწყებს ნაგვის დახარისხებას და შესაბამის პუნქტებში ჩაბარებას. აღნიშნული მიზნის მისაღწევად, წამახალისებელი აქტივობები და ინფორმაციის მუდმივ რეჟიმში მიწოდება აუცილებელი პირობაა. ეს იდეა გათვლილია გრძელვადიან შედეგებზე და საზოგადოებაში ამ კუთხით სოციალური პასუხისმგებლობის გაზრდაზე.

idea.batumi.ge თეონა ვარშალომიძე
idea.batumi.ge 2019-10-30
კეთილმოწყობა

კეთილმოწყობა

#20085 ძაღლების პარკი

პროექტი ორიენტირებულია შეიქმნას სპეციალიზირებული გარემო ძაღლებისათვის, სადაც მათ შეზღუდვების გარეშე შეეძლებათ აქტიურობა. მოცემული პარკი საშუალებას მისცემს როგორც ცხოველებს, ასევე მათ მეპატრონეებს სოციალიზაციისთვის. ასევე, პარკი წარმოადგენს ტურისტულ ობიექტს, რომელიც ქალაქის იმიჯის გაუმჯობესებაზე იმუშავებს. მომხმარებლებს შეუძლიათ პარკის გამოყენება ცხოველების შესასწავლად და მათი ენერგიის განტვირთვისთვის, რაც ხელს შეუწყობს პარკის გარეთ თანაცხოვრების ხარისხის გაუმჯობესებას. მსგავსი ადგილი იზიდავს ასევე მოსახლეობას რომელსაც არ ჰყავს შინაური ცხოველი, ძაღლების საზოგადოებაში პოპულარული იმიჯის გამო, ბევრი იქნება მსურველი პარკის უბრალოდ ნახვისა ან სურათის გადაღება.

idea.batumi.ge მევლუდ საბაშვილი
idea.batumi.ge 2019-10-30
კულტურული, სპორტული ან ახალგაზრდული საკითხები

კულტურული, სპორტული ან ახალგაზრდული საკითხები

#20069 ქუჩის კალათბურთი

პროექტის უმთავრესი მიზანია, სპორტის პოპულარიზაცია ახალგაზრდებში. ასევე ახალი ტალანტების აღმოჩენა, რომლებსაც წარმოდგენაც კი არ აქვთ მათი ნიჭის შესახებ, ან პირიქით პერსპექტიული ბავშვებისათვის ხელის შეწყობა, გამოიჩინონ თავი და დაანახონ საკუთარი შესაძლებლობები არამარტო ბათუმს, არამედ მთელს მსოფლოს! პროექტის კიდევ ერთი მიზანია, ახალგაზრდებში ჯანსაღი ცხოვრების წესის დანერგვა, ასევე კომპიუტერული მონიტორებიდან მჯდომი და დროის მფლანგველი ქუჩაში მდგომი ადამინების ჩვენი ქალაქის სტადიონებზე გადმოყვანა. მნიშვნელოვან მიზნად რჩება, ის ფაქტიც, რომ ბათუმს განვუმტკიცოდ ევროპის სპორტის ქალაქის წოდება. ყურადსაღებია ის ფაქტიც, რომ პროექტის ორგანიზებაში იყვნენ ჩართულნი ბათუმელი ახალგაზრდები, რომლებსაც ექნებათ პროექტის განმავლობაში 4 თვიანი სტაბილური სამსახური. ჩვენს ქალაქში კალათბურთისადმი სიყვარულის გაღვივება და ახალგაზრდების სტიმულირება, რათა აქტიურ სპორტში ჩაებან. ბათუმელი ახალგაზრდებისთვის დიდი ხნის ოცნების ასრულება, რასაც ამხელა მასშტაბური საკალათბურთო ტურნირის ჩატარებაა.

idea.batumi.ge ნიკოლოზ კიკვაძე
idea.batumi.ge 2019-10-26
კულტურული, სპორტული ან ახალგაზრდული საკითხები

კულტურული, სპორტული ან ახალგაზრდული საკითხები

#20090 პროცესი - მულტიფუნქციური სივრცე

„პროცესი“ – მულტიფუნქციური სივრცე, სადაც ადგილობრივ არტისტებს მიეცემათ თავის გამოხატვის და რეალიზების საშუალება, ბათუმის პოპულარიზაციისთვის მუდმივად შეიქმნება პროდუქტი. სივრცე აღჭურვილი იქნება არტისტებისთვის საჭირო ეკიპირებით, ხმის-სისტემით და დასაკრავი აპარატურით. ყურადსაღებია ის ფაქტი, რომ ფართი (ძველი სამოქალაქო თავშესაფარი, 900 კვ.მ), სადაც იგეგმება პროექტის განხორციელება, თავის მხრივ უნიკალურად ადაპტირებულია აღნიშნული საქმიანობისთვის. სივრცე, დღის განმავლობაში ვიზიტორებისთვის იქნება ღია, ბათუმის ღირშესანიშნაობებისა და ისტორიის გასაცნობად, იფუნქციონირებს ბათუმის მინი-მუზეუმი.

idea.batumi.ge ნიკო გორგოშაძე
idea.batumi.ge 2019-10-30

პროექტის შესახებ

მონაწილეობითი ბიუჯეტის პროექტი „შენი იდეა ბათუმს“ მოქალაქეებს საშუალებას აძლევს აქტიურად ჩაერთონ ბათუმის ბიუჯეტის მართვაში.

პროექტის ფარგლებში 2020 წლის იდეების დაფინანსებისთვის ბათუმის მერიის ბიუჯეტიდან გამოყოფილია 500 000 ლარი. იდეების მიღება უკვე დასრულდა და სულ მალე დაიწყება ხმის მიცემა. შენ შენი ხმით შეგიძლია გადაწყვიტო რა იდეების განხორციელებას მოხმარდეს ეს თანხა!

დეტალური ინფორმაცია იხილეთ ბმულზე